Бүгінде Тереңкөл, Ертіс, Баянауыл, Майқайың елді мекендеріндегі полигондар құрылысының жобалық-сметалық құжаттары ведомстводан тыс кешенді сараптамадан өтуде.
@pavlodar.rsk алаңында қалдықтарды өңдеу аясында облыста қандай жұмыстар атқарылып жатқаны жайында жер қойнауын пайдалану, қоршаған орта және су ресурстары басқармасының басшысы орынбасары Дияр Қайыркенов мәлімдеді. Оның айтуынша, олар кейіннен қолданыстағы полигондарды рекультивациялау арқылы әрбір облыс орталығында қатты тұрмыстық қалдықтар полигондарын құруды көздеп отыр. Сонымен қатар, Павлодар облысы әкімдігінің жобалар пулына Павлодар қаласында қалдықтарды өңдеу кешенінің құрылысы енгізілді.
– Қалалар мен аудандарда контейнерлерді алу және орнату жұмыстары үздіксіз жүргізілуде, – деді спикер. – Бүгінде облыс бойынша 2,5 мыңнан астам контейнер орнатылды. Оның ішінде пластикалық қалдықтарды жинауға арналған 891 контейнер және қалдықтардың қауіпті түрлерін жинауға арналған 200 контейнер – құрамында сынап бар шамдар бар.
Павлодар, Ақсу және Екібастұз қалаларында, сондай-ақ жеті ауылдық жерде тұтыну қалдықтарын басқарудың жеке бағдарламасы әзірленді. Бұл стратегияларға қатты тұрмыстық қалдықтар полигондарын, қайталама шикізатты жинау пункттерін салу, қатты тұрмыстық қалдықтарды сұрыптау мен өңдеуге арналған жабдықтарды алу, жаңа контейнерлер мен қоқыс шығаратын көліктер сатып алу кіреді.
