Жаңа ақпараттық жүйе «Тұрғын үймен қамтамасыз ету орталығы» деп аталады және ол www.orken.otbasybank.kz сайтында іске қосылды.
Бұл жаңа цифрлық жүйе азаматтарды тұрғын үйге мұқтаж ретінде есепке қою процесін едәуір жеңілдетуге арналған. Осы платформа арқылы өтінім қабылдау 24 мамырда басталады. Ол үшін электрондық цифрлық қолтаңба қажет.
Жүйе өтініш берушінің талаптарға сәйкестігін автоматты түрде тексереді, оның ішінде соңғы 5 жыл ішінде өзінде және отбасы мүшелерінде тұрғын үйдің болмауын. Бұл мемлекеттік қызмет бір жұмыс күні ішінде (құжаттардың сканерлері қажет болған жағдайда — үш күн ішінде) көрсетіледі. Банктің 14 мемлекеттік деректер базасымен интеграциясы жүйеге өтініш берушінің отбасылық жағдайын, кірісін және әлеуметтік мәртебесін ескере отырып, цифрлық бейнесін жасауға мүмкіндік береді және одан әрі мемлекеттік қолдау шараларын ұсынуға жағдай жасайды.
Маңыздысы — азаматтардың қолданыстағы деректер базасы 2025 жылдың 17 маусымынан кейін әкімдіктерден «Отбасы банкке» беріледі. Павлодарлықтарға egov.kz және kezekte.kz базаларында өз деректерінің өзектілігін қазірден тексеріп қою ұсынылады, өтінім беру кезінде кідірістер болмауы үшін.
