Өткен жылы Павлодар облысындағы «Қазавиаорманқорғау» бөлімшелері 27 орман өрті оқиғасын анықтады.
Павлодар облысында республикалық «Қазавиаорманқорғау» кәсіпорны екі авиациялық бөлімшемен ұсынылған. Бір филиал «Ертіс орманы» резерватына жауапты болса, екіншісі Баянауыл ұлттық паркін күзетеді.
– Өткен жылы Павлодар авиациялық бөлімшесі 38 тіркелген өрттің 26-сын анықтады, ұшу кезеңінен тыс болған 5 оқиғаны есепке алмағанда, – деді бөлімше басшысы Шыңғысхан Шайзатхан. – Өртті анықтау көрсеткіші 79%-ды құрады. Авиациялық десант қызметі орман күзетімен бірлесе отырып, жалпы ауданы 2,86 гектарды қамтитын 31 өртті сөндіруге қатысты.
Баянауыл авиациялық бөлімшесіне келер болсақ, 2024 жылы мамандар 5 орман өрті оқиғасының біреуін тіркеді. Бөлімше басшысының міндетін атқарушы Жасулан Сатбаевтың айтуынша, олардың үшеуі демалушылардың қауіпсіздік ережелерін сақтамауынан болған. Ормандарды қорғау және өртті сөндіру үшін Eurocopter H-125 тікұшағы пайдаланылды. Жалпы, өртке қарсы маусымда Баянауыл үстінен 315 сағат ұшу уақыты орындалды.
Бүгінде «Қазавиаорманқорғау» қызметкерлері кезекті өрт қаупі жоғары маусымға дайындалып жатыр.
