Жыл басынан бері Өңірлік сауда және тұтынушылар құқығын қорғау департаментінің өкілдері клиенттердің мүддесін қорғап, 22 сот процесіне қатысты.
Департамент басшысының орынбасары Нұрсұлу Әубәкірова @pavlodar.rsk алаңында Павлодар облысындағы тұтынушылар құқығын қорғау жұмыстары туралы айтып берді. Оның айтуынша, 2025 жылы департамент қызметкерлері үшінші тұлға ретінде 21 азаматтық іске қатысқан. Бұл істердің 19-ында талап арыздар қанағаттандырылып, тұтынушылардың пайдасына 73 миллион теңге өндірілді.
– Тағы бір іс бойынша біз 20 адамның атынан сотта талапкер ретінде сөз сөйледік, – деді спикер. – Олардың барлығы бір фитнес-клубтың клиенттері болған. Қалай болғанда да, иесі орталықты басқа кәсіпкерге сатып жіберген. Бұл ретте, қызмет көрсету міндеттемелері қолданыстағы тұтынушыларға берілмеген. Яғни, адамдар төлеген қызметтерін іс жүзінде ала алмай қалды. Нәтижесінде, іс сотқа жетті, онда клиенттерге 900 мың теңгегежуық қаражатты қайтару туралы медиативтік келісім жасалды.
Консультация алу және көмек сұрау үшін Сауда және тұтынушылар құқығын қорғау департаментіне +7 (7182) 551070 нөмірі арқылы хабарласуға болады.
