Сіз өзіңіздің емханаңызға хабарласып, қатерлі ісіктің жиі кездесетін түрлерін ерте анықтау үшін тексеруден өте аласыз.
Денсаулық сақтау басқармасының мәліметінше, бүгінде Павлодар облысында 32 алғашқы медициналық-санитарлық көмек ұйымы бар. Бұл ретте емханалардың әрқайсысында скринингтік және кәсіби тексеруден өтетін бөлмелер бар.
– Облыста барлығы 69 тексеруден өту бөлмелері бар, – дейді басқарма басшысының орынбасары Айгүл Мұқышева. – Сонымен қатар бізде тәулік бойы қабылдайтын 155 төсекті және күндізгі қабылдауға арналған 50 төсекті облыстық онкологиялық диспансеріміз де бар. Алты айда мұнда 3672 науқас емделді. Өткен жылы осы кезеңде 3 мың науқас диспансерлік ем алды.
Дәрігерлер соңғы жылдары қатерлі ісік ауруын ерте диагностикалау көрсеткіші айтарлықтай артқанын атап өтті. Биыл ол 30,7 пайызды құрады. Павлодар облысында скрининг арқылы сүт безі обыры, жатыр мойны обыры, тоқ ішек ісігі анықталды. Егер бұл онкологиялық ауруларды нөлдік немесе бірінші кезеңде анықтау мүмкін болса, бұл науқасты әрі қарай диагностикалау мен емдеудің дұрыс тактикасын анықтауға мүмкіндік береді. Сондықтан павлодарлықтар көрсетілімге шақыруды назардан тыс қалдырмауға шақырады.
