«Даму» қорының қаржылық құралдарының арқасында павлодарлық кәсіпкерлер стартаптар ашып, қолданыстағы бизнестерін дамыта алады.
1 қыркүйектен бастап Павлодарда алғашқы автокөлік ательесі жұмысын бастайды. Қазіргі уақытта шағын кәсіпорын сынақ режимінде жұмыс істеп, автомобильге арналған модельдік қаптар, шанақ жамылғылары, панельге арналған жамылғылар және басқа да тоқыма аксессуарларын тігіп жатыр.
Біз мемлекеттік қолдаудың арқасында өз ісімізді бастадық, – дейді «ALPHA textile» ЖШС басшысы Қанат Қасенов. – «Даму» қоры несие алу үшін 85% банк кепілдігін берді. Бұл бізге тігін жабдықтарын сатып алуға, заманауи материалдарды алуға және өнімдерімізді өндіруді жолға қоюға мүмкіндік берді.
«Даму»-дың қаржылық құралдарын жаңа бастағандар ғана емес, сонымен қатар жұмыс істеп тұрған кәсіпкерлер де пайдалана алады. «Manet Mebel» компаниясы нарықта 25 жыл бойы жұмыс істеп келеді. Бүгінде оның өнімдері Павлодардағы сауда үйлерінде ғана емес, сонымен қатар танымал қазақстандық маркетплейстерде де ұсынылған.
Қор айналым қаражатын толықтыру үшін мақсатты несие алуға кепілдік берді, – дейді жиһаз өндірісінің басшысы Ерболат Бажаев. – Қарыз ақшаның бір бөлігін біз өндірісті жаңартуға және өнім желісін кеңейтуге жұмсадық.
Бүгінде екі өндірістің де өкілдері одан әрі даму туралы ойлануда. Олар болашақта да өз істерін кеңейту үшін мемлекеттік қолдауды пайдалана аламыз деп үміттенеді.
