Жаңа спорт нысандарын салуға арналған жобалық-сметалық құжаттама әзірленіп жатыр.
Облыс орталығы мен кеншілер қаласында жаңа мұз айдындарын салу жоспарлары туралы @pavlodar.rsk-да өткен баспасөз конференциясында облыстық дене шынықтыру және спорт басқармасының өкілдері айтып берді.
– Павлодар облысында спорттық мұздың тапшылығы проблемасы бар, – деді журналистердің сұрақтарына жауап бере отырып, ведомство бөлімінің басшысы Талғат Сәкен. – Сондықтан биыл Павлодар мен Екібастұзда мұз айдындарын салуды бастау жоспарланып отыр. Олар бойынша жобалық-сметалық құжаттама әлі әзірленуде.
Спикердің айтуынша, жобаларды 2026 жылы тапсыру көзделген.
