Қазақстан Республикасы Президенті жанындағы ОРТАЛЫҚ КОММУНИКАЦИЯЛАР ҚЫЗМЕТІ
+7 (7182)661551
rsk.pavlodar@gmail.com

Региональная служба коммуникаций Павлодарской области

ҚАЗ   РУС   ENG

Главная 9 Жаңалықтар 9 Павлодар колледждері халықаралық аккредитациядан өтуде

Павлодар колледждері халықаралық аккредитациядан өтуде

Apr 3, 2025 | Жаңалықтар


Өңірдегі колледждердің бірі халықаралық стандарттарға сәйкестігін дәлелдеді.

Аккредитация алу отандық колледждердің дипломдарын халықаралық еңбек нарығында бәсекеге қабілетті етеді. Сондай-ақ, халықаралық білім беру стандарттарына сәйкес келетін мамандықтар бойынша оқу орындарына жан басына шаққандағы қаржыландыру көлемі артады.

– ERG компаниясының қолдауымен Жаяу Мұса атындағы Ақсу жоғары көпсалалы колледжі «Электромонтаж» мамандығы бойынша халықаралық аккредитация сертификатын алды, – деп атап өтті Павлодар облыстық білім басқармасының басшысы Самал Айтказина. – Бүгінде Ақсу қара металлургия колледжі «Дәнекерлеу ісі» мамандығы бойынша аккредитациядан өтуде. Жыл соңына дейін тағы үш колледж аккредитациядан өтуі тиіс.

Бүгінде өңірде 42 колледж жұмыс істейді, олардың 12-сі – жекеменшік. Биылғы оқу жылында колледждерде білім алушылардың саны 22 мыңнан асты. 33 оқу орны 52 біліктілік бойынша жұмысшы мамандарды даярлайды.