Бүкіл Қазақстан бойынша жүргізілген социологиялық зерттеудің қорытындысы @pavlodar.rsk алаңында жарияланды.
Қазақстан Республикасы Сауда және интеграция министрлігі Тұтынушылардың құқықтарын қорғау комитетінің тапсырысы бойынша еліміздің барлық 20 өңірінде сауалнама жүргізілді. Осылайша, тұтынушылардың құқықтарын қорғау жүйесінің жай-күйі, проблемалары мен даму перспективалары туралы мәліметтер алуға мүмкіндік туды.
– Павлодар облысынан келген респонденттер әртүрлі салалардағы қызмет көрсету сапасына қанағаттанбайтындықтарын білдірді, – деді Сауда және тұтынушылардың құқықтарын қорғау басқармасының басшысының м. а. Нұрсұлу Әубәкірова. – Мәселен, респонденттердің 62 пайызы қалалық қоғамдық көліктердегі қызмет көрсету сапасына, тағы 49 пайызы теміржол көлігінің қызмет көрсету сапасына көңілі толмайды. Тұрғындар үнемі шамадан тыс жұмыс істеу, жұмысшылардың дөрекілігі және санитарлық нормаларды бұзу сияқты мәселелерді атап өтті.
Бұл ретте, павлодарлық респонденттердің жартысы заңнамалық және құқықтық актілер туралы толық ақпаратпен қамтамасыз етілсе, тұтынушылардың құқықтарын қорғауға дайын. Жалпы, сауалнама нәтижелері Қазақстанда тұтынушылардың құқықтарын қорғауда оң динамика бар екенін көрсетеді. Респонденттердің шамамен 74%-ы соңғы бір жылда мемлекеттік реттеу саласындағы жағдайдың жақсарғанын атап өтті. Алайда 6%-ы жағдай ушығып кетті деген пікір білдірсе, тағы 11%-ы өзгерістер елеусіз деп санайды.
Нейрондық желі арқылы жасалған фотосурет
