Мерекелік сауда 28-30 желтоқсан аралығында өтеді.
Жаңа жылдық мерекелер қарсаңында облыста азық-түлік бағасын төмендету бойынша қандай шаралар жүргізіліп жатыр, деп хабарлады @pavlodar.rsk алаңында Павлодар облысы әкімінің орынбасары Әйгерім Қабылтаева. Мереке қарсаңында әр қала мен облыста кеңейтілген ауыл шаруашылығы жәрмеңкесі өтуімен қоса, 30 желтоқсанда Павлодардың тоғыз шағын ауданында сауда ұйымдастырылады.
– Бүгінде сауда орындарын кеңейту мақсатында «Жайлау» базарын жаңғырту жұмыстары аяқталып, көше саудасы үшін жабық павильон жабдықталды, – деді спикер. – Базар аумағындағы қойма алаңы көтерме тауар өндірушілер үшін жаңа сауда алаңына айналады. Өткен аптада ғана Ақсудағы шаруа базары техникалық режімде жұмысын бастады.
Облыстық тұрақтандыру қорына келсек, бүгінде оның қоры әлеуметтік маңызы бар азық-түліктің 12 түрі бойынша 11,5 мың тоннаны құрайды. Олар сауда үстемесі 10%-дан аспайтын 208 сауда нүктесі арқылы сатылады.
Дәстүр бойынша Павлодар облысында ірі ауылшаруашылық тауар өндірушілерімен 10 мың тонна картоп пен 3 мың тонна сәбіз жеткізу бойынша меморандум жасалды. Тұрақтандыру қорының серіктес дүкендеріндегі сөрелерде картоптың бір келісі 120 теңгеден, ал сәбіздің 1 келі сәбіздің бағасы 95 теңгеден аспайды.
Облыстағы жылыжай кешендерімен де осындай келісімге қол қойылды. Олардың өнімдері «Жайлау» фермерлер базарында және апта сайынғы ауыл шаруашылығы жәрмеңкелерінде сауда үстемесі 15 пайыздан аспайтын: қызанақ келісіне 840 теңгеден, қияр келісіне 1080 теңгеден сатылады.
Нейрондық желі арқылы жасалған фотосурет
