Эпидемиологтар жағдай бірте-бірте тұрақталып келе жатқанын, алайда облыс тұрғындары мен әсіресе екпе алмаған балалар қызылшамен ауырып жатқанын атап өтті.
ӨКҚ алаңында Павлодар облысындағы эпидемиологиялық жағдай талқыланды. Өткен жылдың қазан айында қызылша ауруы айтарлықтай өсті, ал желтоқсанда бірден 359 жағдай тіркелді! 2024 жылдың басынан бері облыста қызылшаның 189 жаңа жағдайы тіркелді. Облыста барлығы 793 жағдай есептелді.
– Қызылшамен ауырғандардың негізгі үлесін 14 жасқа дейінгі балалар құрайды – бұл 74% немесе 586 жағдай, – дейді санитарлық-эпидемиологиялық бақылау департаментінің басшысы Батырбек Әлиев. – Бұл санға 2 жастан 5 жасқа дейінгі балалар – 38%, сондай-ақ 1 жасқа дейінгі балалар – 14,2% кіреді. Сонымен қатар, науқастардың 84 пайызы екпе алмаған немесе екпе туралы ақпараты жоқ болса, 50 пайызы екпеден бас тартуына байланысты екпе алмаған.
Аурудың таралуын тоқтату үшін бүкіл Қазақстан бойынша қосымша жаппай иммундау науқаны жүргізілуде. Ең алдымен, ол 6 айдан 10 айға дейінгі балаларға, 2 жастан 4 жасқа дейінгі балаларға, сондай-ақ 30 жасқа дейінгі барлық бұрын вакцинацияланбаған балаларға арналған. Кез келген адам қызылшаға қарсы вакцина ала алады.
Ол үшін тіркеме жеріндегі емханаға бару жеткілікті.
