Су айдындарындағы қауіпсіздік ережелерін бұзғаны үшін 7 АЕК мөлшерінде әкімшілік айыппұл қарастырылған.
@pavlodar.rsk алаңында Павлодар облысындағы алдағы шомылу маусымы талқыланды. Төтенше жағдайлар департаменті бастығының орынбасары Думан Қыдырмоллаевтың айтуынша, өңірде шомылуға арналған 45 ресми орын белгіленген. Ертіс өз арнасына түскен бойда, бұл учаскелердің түбі тексеріліп, құтқарушылардың кезекшілігі ұйымдастырылады және қажетті инфрақұрылым орнатылады.
– Шомылу маусымы ресми түрде басталмаса да, су бетінде алғашқы құрбандар тіркелді, – деп атап өтті спикер. – Екібастұзда мас күйінде қайықпен балық аулаған ер адам суға батып кетті. Сонымен қатар, жақында Ертіс ауданында біздің құтқарушылар кәмелетке толмаған балалар тобын байқап қалды. Балаларды құтқару станциясына жеткізіп, ата-аналарына тапсырды. Ересектерге су айдындарындағы қауіпсіздік ережелерін бұзғаны үшін 7 АЕК мөлшерінде айыппұл жазылды.
ТЖД өкілдері атап өткендей, мұндай әкімшілік шаралардың басты мақсаты — балалар мен ата-аналардың есіне су жанында және суда болудың ықтимал қауіптілігін салу. Өткен жылдың өзінде Павлодар облысында 14 адам суға кетсе, оның екеуі — балалар. Фото: Gemini
