Облыста қазірдің өзінде 1,2 млрд теңгеге 166 өтінім мақұлданды, оны жаңа жұмыс орындарын ашатын кәсіпкерлер қабылдайды.
Ауыл тұрғындарын агробизнесті дамытуға тарту арқылы олардың жұмыспен қамтылуы мен әл-ауқатын арттыру мақсатында «Ауыл аманаты» жобасы қолға алынған. Осы бағдарлама аясында несиелік қаражатты бастауыш және жұмыс істеп жатқан кәсіпкерлер, сондай-ақ өндірістік кооператив мүшелері ала алады.
– «Ауыл аманаты» жобасы бойынша сыйақы мөлшері 2,5 пайыздан аспайды, – деді РСК баспасөз мәслихатында ауыл шаруашылығы басқармасы басшысының орынбасары Төлеген Көшеребаев. – Мал шаруашылығы саласындағы жобаларды несиелендіру мерзімі 7 жылға дейін, қалған барлық салаларда – 5 жылға дейін. Несиенің максималды сомасы – 8,6 млн теңге, зәкірлік кооперацияны дамытуға – 27,6 млн теңге. Жоба кепілді міндетті қамтамасыз етуді қарастырады. Кепіл заты жылжымалы және жылжымайтын мүлік болып табылады.
Павлодар облысында жаңа бағдарламаның жүзеге асуына байланысты олар ауыл шаруашылығы саласында бірден 300-ден астам жаңа жұмыс орнын ашуды көздеп отыр. Облыс бойынша 202 өтініш қабылданып, оның 166-сы мақұлданды. Оның үстіне 820 миллион теңгеге 112 шағын несие берілді. Несиенің басым бөлігі мал шаруашылығы саласын дамытуға бағытталған.
