Бүгінде өңірдегі орман мекемелері өз тұқымдары мен көшеттерінің тапшылығын тартып отыр, сол себепті сырттан әкелінетін материалды пайдалануға мәжбүр.
Павлодар облысындағы ормандарды қалпына келтіру жұмыстары туралы @pavlodar.rsk алаңында Жер қойнауын пайдалану, қоршаған орта және су ресурстары басқармасының басшысы Сағын Төлеутаев пен Орман шаруашылығы және жануарлар дүниесі аумақтық инспекциясының орман және ерекше қорғалатын табиғи аумақтар бөлімінің басшысы Шамиль Елюбаев айтып берді. Бүгінде өңірдегі орман қорғау мекемелерін тұқымдармен және көшеттермен қамтамасыз ету үшін үш тұқымбақ жұмыс істейді. Жоспарда — қуаттылығы 6 миллион дана отырғызу материалын құрайтын тағы бір тұқымбақты іске қосу бар.
– Бүгінде Павлодар ауданында бұл жобаға жер учаскесін рәсімдеу жұмыстары жүргізілуде, – деп атап өтті Сағын Төлеутаев. – Сөз тамыр жүйесі жабық өсімдіктерге арналған тұқымбақ туралы болып отыр. Ол жыл бойы біздің үш орман мекемесінің және көгалдандырумен айналысатын коммуналдық қызметтердің қажеттілігін өтей алады.
Тұқымбақ құрылысы үшін де жобалау-сметалық құжаттама әзірленуде. Оның құрылысын мемлекеттік қолдау аясында инвесторларды тарта отырып жүргізу көзделіп отыр, бірақ болашақта орман тұқымбағы жергілікті атқарушы органдардың қарамағына өтуі тиіс.
Фото: ChatGPT
