Қазақстан Республикасы Президенті жанындағы ОРТАЛЫҚ КОММУНИКАЦИЯЛАР ҚЫЗМЕТІ
+7 (7182)661551
rsk.pavlodar@gmail.com

Региональная служба коммуникаций Павлодарской области

ҚАЗ   РУС   ENG

Главная 9 Жаңалықтар 9 Үш минуттағы УДЗ: павлодарлық жедел жәрдем қызметі шұғыл диагностикаға арналған портативті сканерлерді енгізді

Үш минуттағы УДЗ: павлодарлық жедел жәрдем қызметі шұғыл диагностикаға арналған портативті сканерлерді енгізді

Nov 18, 2026 | Жаңалықтар


Павлодар облысында жедел жәрдемнің шығу бригадаларын сымсыз портативті ультрадыбыстық аппараттармен жарақтандыру жөніндегі пилоттық жоба іске асырылуда. Жаңа технология догоспитальдық кезеңде тікелей экспресс-диагностика жасауға мүмкіндік береді.

103 қызметінің жұмысына ультрадыбыстық диагностиканы енгізу туралы денсаулық сақтау басқармасының басшысы Ермек Кучуков пен өңірлік жедел жәрдем станциясының басшысы Қанадан Ахметжанов айтып берді. Павлодар мен Ақсу қосалқы станцияларына 5 заманауи құрылғы бөлінді. УДЗ аппараттарымен жұмыс істеу үшін арнайы дайындықтан өткен 45 дәрігер тиісті сертификаттар алды. Жүйенің ерекшелігі – оның бірыңғай колл-орталықпен біріктірілуінде: ауысымның аға дәрігері орталықтандырылған сервер арқылы зерттеулерді нақты уақыт режимінде бақылап, диагноздарды нақтылауға және пациенттердің оңтайлы бағытын айқындауға көмектеседі.

Үш апта ішінде дәрігерлер асқазан-ішек жолдары, жүктілік, несеп-жыныс және тамыр жүйелері патологиялары бойынша 900-ге жуық зерттеу жүргізді. Жаңалықтың тиімділігі әртүрлі сыни жағдайларда тәжірибе жүзінде дәлелденді. Мысалы, 38 апталық жүктілігі және ауыр преэклампсиясы бар пациенттердің бірінде аппарат плацентаның мерзімінен бұрын бөлінуін растауға көмектесті, содан кейін ол сәтті босандыру үшін қабылдау бөлмесін айналып өтіп, облыстық перинаталдық орталыққа жеткізілді. Тағы бір жағдайда биіктіктен құлаған пациентке көкбауырдың капсула астындағы жыртылуы диагнозы қойылды, бұл оны шұғыл түрде операционға жіберуге мүмкіндік берді.

Мамандар атап өткендей, мобильді ультрадыбыстық диагностика науқастың төсегі басында диагноз қою уақытын 2–3 минутқа дейін қысқартады, клиникалық шешімдердің дәлдігін арттырады және стационарларға алдын ала хабарлауға мүмкіндік береді. Павлодарлық 103 қызметінің сәтті тәжірибесі республикалық деңгейде ҚР Денсаулық сақтау министрі Ақмарал Әлназароваға таныстырылды. Қазіргі уақытта бұл тәжірибені бүкіл республика бойынша тарату мәселесі қарастырылуда.