Халық саны аз елді мекендерде «Starlink» жүйесі көмекке келді.
Өңірде «Қолжетімді интернет» ұлттық жобасының қалай іске асырылып жатқаны туралы @pavlodar.rsk алаңында цифрлық технологиялар басқармасының басшысы Ағыбай Әмирин айтып берді. Ол Қасым-Жомарт Тоқаевтың тапсырмаларының бірі барлық мектептерді сапалы интернетпен қамтамасыз етуге қатысты екенін еске салды.
• Биыл Павлодар облысының барлық мектептері жоғары жылдамдықты интернетпен қамтылатын болады. 2024 жылы 33 ауыл мектебіне «Starlink» жүйесі орнатылды. 2025 жылы біз бұл жабдықты тағы 42 оқу орнына орнатамыз, – деп атап өтті спикер.
Сондай-ақ, цифрлық технологиялар басқармасы республикалық маңызы бар трассалар бойын интернетпен қамтамасыз ету жұмыстарын жүргізуде. Бүгінгі таңда 11 антенна-діңгек құрылысы бойынша жобалық-сметалық құжаттама әзірленді. Олар бейінді министрліктен қаржыландыру алынғаннан кейін орнатылатын болады.
