Жыл басынан бері Павлодар облысында шөп өртенуінің 22 жағдайы тіркелді.
@pavlodar.rsk алаңында ауыл шаруашылығы тауар өндірушілері мен басқа да шаруашылық субъектілері үшін өрт қауіпсіздігі ережелері талқыланды. Төтенше жағдайлар департаментінің мемлекеттік өрт бақылау басқармасы бастығының міндетін атқарушы Берік Омаров атап өткендей, егін егу, егін жинау және жем-шөп дайындау әрдайым өрттің шығу қаупі жоғары кезеңдер болып саналады.
– Жыл басынан бері облыста жеке аулалар мен ауыл шаруашылығы жерлерінде жалпы ауданы 40 мың шаршы метрден асатын шөп өртенуінің 22 жағдайы тіркелді, – деді спикер. – Бұл өрттердің салдарынан 133 тонна дайындалған шөп жанып кетті. Өрттердің басым көпшілігі өрт қауіпсіздігі ережелерін бұзу нәтижесінде болған.
Ауыл шаруашылығы жерлеріндегі өрттердің негізгі себептерінің арасында ақаулы техника, жанар-жағармай материалдарын сақтау және тасымалдау кезіндегі ережелерді бұзу, сабан мен құрғақ шөпті рұқсатсыз жағу бар. Өрістер мен жеке аулалардағы өрттердің алдын алу үшін өрт сөндірушілер рейдтер өткізеді. Тексеру қорытындысы бойынша 264 жеке және лауазымды тұлға әкімшілік жауапкершілікке тартылды. Салынған айыппұлдардың жалпы сомасы шамамен 806 мың теңгені құрады. Көлік құралдарын пайдалануға байланысты бұзушылықтар бойынша 117 мың теңгеден астам сомаға 5 әкімшілік хаттама толтырылды.
