Бірінші жағдайда ең полярлық тауарлар металдар мен олардан жасалған бұйымдар, ал екіншісінде – әртүрлі жабдықтар.
Кедендік әкімшілендіру аясындағы жұмыстар @pavlodar.rsk алаңында талқыланды. Мемлекеттік кірістер департаменті басшысының орынбасары Руслан Рахымберданың айтуынша, 9 айда Павлодар облысынан республикалық бюджетке 12,3 млрд теңгеден астам кіріс түскен.
– Сыртқы сауда айналымы 2,6 млрд АҚШ долларын құрады, – деді спикер. – Сыртқы сауда айналымының негізгі үлесі экспортқа – 87%, импортқа – 13% келеді. Экспорттың негізгі баптары металлургия, мұнай-химия және отын-энергетика кешендерінің өнімдері болып табылады. Экспорт құрылымында келесі тауарлар басым: металдар мен металл бұйымдары, минералды өнімдер, химиялық өнімдер, жануарлар мен өсімдіктерден алынатын өнімдер, жабдықтар мен механикалық құрылғылар.
Тауарлар импортының негізгі үлесі облыстағы өндірістің жұмыс істеуі және тауар өндіру үшін өнім сатып алатын өнеркәсіптік кәсіпорындарға тиесілі. Импорт құрылымында жабдықтар мен механикалық құрылғылар – 60% дерлік, химия өнімдері – 15%, жануарлар мен өсімдіктерден алынатын өнімдер – 6,6%, металдар мен олардан жасалған бұйымдар – 4,3%, минералды өнімдер – 1,6% басым.
