2025 жылға арналған жоспар – 180 мың гектар жерді аймақ экономикасының жұмысына қайтару.
@pavlodar.rsk ақпарат алаңында жер қатынастары басқармасының басшысы Мұрат Хамитов жерді айналымға қосу жөніндегі жағдай туралы айтты. Өткен жылы Павлодар облысында 77 мың гектар жер айналымға қосылды, одан бас тартылған немесе жалға беру мерзімі өткен.
– Бүгінгі таңда бизнес үшін жер алудың 2 тәсілі бар: бос жер учаскесін сауда-саттыққа шығару туралы ұсыныстар беру және жергілікті атқарушы органдар деңгейінде аукционға қойылатын жер учаскелерінің тізбесін қалыптастыру, – деді спикер. – Аукцион жеңімпазын анықтаудың басты критерийі – қатысушылар ұсынған баға, ағылшын әдісі бойынша бағаны арттыру.
Биыл қалалар мен аудандарда 105 гектар жер учаскесіне 36 аукцион өткізілді.
