Себебі, бүгінгі таңда мұғалімдерге қолайлы еңбек жағдайлары жасалып, жақсы әлеуметтік пакет қарастырылған.
ӨКҚ-де өткен баспасөз мәслихатында соңғы жылдары білім беру жүйесіне қандай өзгерістер енгізілгенін талқылады. 2019 жылы Қасым-Жомарт Тоқаев «Педагог мәртебесі туралы» заңға қол қойды. Құқықтар мен міндеттерді анықтау, сондай-ақ әлеуметтік кепілдіктерді жақсарту Павлодар облысында жұмыс істейтін 20 мыңнан астам педагогты қамтыды. Өңірде бүгінгі ұстаздарға қойылатын жоғары талаптар ескеріліп, біліктілікті арттыру жүйесіне ерекше көңіл бөлінуде.
– Институтта алған білім үнемі жаңарып отыруды қажет етеді, – дейді «Өрлеу» біліктілікті арттыру ұлттық орталығы облыстық филиалының жетекшісі Роза Әшімбетова. – Заман өзгеруде, демек, мұғалімдерге қойылатын талаптар, олардың еңбек жағдайлары, қазіргі балалардың ерекшеліктері де өзгеруде. Бұл аспектілердің барлығы біз ұсынатын біліктілікті арттыру курстарында қамтылған. Пәндік курстардан басқа біз арнайы педагогтарға, тәлімгерлерге, кеңесшілерге, АӘД мұғалімдеріне және басқа мұғалімдерге сабақтар өткіземіз.
Роза Әшімбетованың айтуынша, мұғалім мамандығының шынымен де беделді және жоғары жалақыға айналғанын курс тыңдаушыларының құрамына қарап бағалауға болады. Бұрын біліктілікті арттыруға келген 25 адамның ішінен ең көбі 1 ер адам кездесе алатын болса, бүгінде топта кем дегенде 8-10 ер мұғалім бар.
