Мамандар картопқа сауда үстемесін арттырудың 22, күнбағыс майына – 14, қарақұмық жармасына – 13 фактісін тіркеген.
Сауда және тұтынушылардың құқықтарын қорғау департаментінің өкілдері барлығы 103 тексеріс жүргізді.
— Ең жоғары сауда үстемесі 350% болып, қырыққабатқа тіркелді – оны 100 теңгеден сатып алып, 450 теңгеден сатқан, — деп мәлімдеді @pavlodar.rsk алаңында департамент басшысының орынбасары Нұрсұлу Аубакирова. — Сондай-ақ, сәбізге 275%, картопқа 106%, пиязға 86%, қарақұмық жармасына 52,5% сауда үстемесі қойылған.
Жыл басынан бері ішкі саудамен айналысатын 64 субъект әкімшілік жауапкершілікке тартылды.
